senglier

Senglier, m. acut. Est un porc sauvage, lequel si tost qu'il est de deux ans, laisse les compagnies tant qu'il n'est en rut, et erre et demeure seul, comme dit Phebus, à cause de quoy il est appelé Porcus singularis, c'est à dire, seul sans compagnie, et singulier, dont par syncope est fait ce mot, Senglier, par où est cogneu qu'il ne le faut escrire par a. Pour cette raison mesmes les Grecs l'appellent {{t=g}}monios,{{/t}} comme disent Aelian. et Cael. Rhodig. lib. 4. cap. 7. ex Aristophane grammatico. Et {{t=g}}monêrês,{{/t}} Solitaire, sans compagnie. Aussi le blason d'un grand vieux Sanglier entre Veneurs est, Sanglier qui a laissé les compagnies, il y a plus de quatre ans, Fouillous chap. 48. L'Italien dit Cinghiale, bien esloignément dudit Latin Singularis. Ne l'Espagnol, ne l'Allemand, l'appellans l'un Puerco javali, acut. et Montes, acut. Et l'autre Wilpsch Wein, n'expriment nullement l'energie de nostre mot Senglier.

Thresor de la langue françoyse. Jean Nicot.